ਸ਼੍ਰੀਲੰਕਾ ਨੇ 11 ਬੁੱਧ ਮੰਦਰਾਂ ਨੂੰ ਪਵਿੱਤਰ ਸਥਾਨ ਐਲਾਨਿਆ
ਕੋਲੰਬੋ , 16 ਫਰਵਰੀ । ਸ਼੍ਰੀਲੰਕਾ ਸਰਕਾਰ ਨੇ ਦੇਸ਼ ਦੇ ਮਹੱਤਵਪੂਰਨ ਪੁਰਾਤੱਤਵ, ਇਤਿਹਾਸਕ ਅਤੇ ਪਵਿੱਤਰ ਮਹੱਤਵ ਵਾਲੇ 11 ਬੁੱਧ ਮੰਦਰਾਂ ਨੂੰ ਪਵਿੱਤਰ ਸਥਾਨ ਐਲਾਨਿਆ ਹੈ। ਰਾਸ਼ਟਰਪਤੀ ਮੀਡੀਆ ਡਿਵੀਜ਼ਨ (ਪੀ.ਐੱਮ.ਡੀ.) ਨੇ ਸ਼ੁੱਕਰਵਾਰ ਨੂੰ ਇੱਕ ਪ੍ਰੈਸ ਬਿਆਨ ਵਿੱਚ ਇਹ ਜਾਣਕਾਰੀ ਦਿੱਤੀ। ਪੀ.ਐੱਮ.ਡੀ. ਨੇ ਕਿਹਾ ਕਿ ਇਹ ਪਵਿੱਤਰ ਖੇਤਰ ਉੱਤਰ-ਮੱਧ, ਉੱਤਰ-ਪੱਛਮੀ, ਪੂਰਬੀ, ਪੱਛਮੀ ਅਤੇ ਦੱਖਣੀ ਸੂਬਿਆਂ ਵਿੱਚ ਸਥਿਤ ਹਨ।
ਇਨ੍ਹਾਂ ਨਵੀਆਂ ਥਾਵਾਂ ਨਾਲ ਸ਼੍ਰੀਲੰਕਾ ਵਿੱਚ ਪਵਿੱਤਰ ਸਥਾਨਾਂ ਦੀ ਗਿਣਤੀ 142 ਹੋ ਗਈ ਹੈ। ਰਾਸ਼ਟਰਪਤੀ ਦੇ ਸਕੱਤਰ ਸਮਨ ਏਕਨਾਇਕੇ ਨੇ ਕਿਹਾ ਕਿ ਸਰਕਾਰ ਬੁੱਧ ਧਰਮ ਨੂੰ ਉਤਸ਼ਾਹਿਤ ਕਰਨ ਲਈ ਮੱਧ ਸ਼੍ਰੀਲੰਕਾ ਦੇ ਕੈਂਡੀ ਵਿੱਚ ਇੱਕ ਬੁੱਧ ਯੂਨੀਵਰਸਿਟੀ ਅਤੇ ਇੱਕ ਬੁੱਧ ਅਜਾਇਬ ਘਰ ਸਥਾਪਤ ਕਰੇਗੀ। ਸਰਕਾਰੀ ਅੰਕੜਿਆਂ ਅਨੁਸਾਰ ਸ਼੍ਰੀਲੰਕਾ ਦੀ ਲਗਭਗ 70 ਫੀਸਦੀ ਆਬਾਦੀ ਬੁੱਧ ਧਰਮ ਦਾ ਪਾਲਣ ਕਰਦੀ ਹੈ।
About The Author
