ਏਜੀਆਈ ਪ੍ਰੀਮੀਅਰ ਲੀਗ ਚਾਰ ਦਿਨ ਦੇ ਸ਼ਾਨਦਾਰ ਸਮਾਗਮਾਂ ਤੋਂ ਬਾਅਦ ਸਮਾਪਤੀ ‘ਤੇ ਪਹੁੰਚੀ
– ਖੇਤਰੀ ਕਮਿਸ਼ਨਰ ਈਪੀਐਫਓ ਨੇ ਰਿਹਾਇਸ਼ੀ ਸੋਸਾਇਟੀਆਂ ਵਿੱਚ ਖੇਡਾਂ ਨੂੰ ਉਤਸ਼ਾਹਿਤ ਕਰਨ ਲਈ ਗੈਰ ਸਰਕਾਰੀ ਸੰਗਠਨ ਵਾਰੀਅਰ ਗਰੁੱਪ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ
– ਕਰਤਾਰ ਵਾਰੀਅਰਜ਼ ਅਤੇ ਪੀਐਨਬੀ ਵਾਰੀਅਰਜ਼ ਵਿਚਕਾਰ ਖੇਡਿਆ ਗਿਆ ਫਾਈਨਲ ਮੈਚ
ਜਲੰਧਰ, 20 ਨਵੰਬਰ 2022 : ਚਾਰ ਦਿਨ ਚੱਲੀ ਏਜੀਆਈ ਪ੍ਰੀਮੀਅਰ ਲੀਗ ਅੱਜ ਜਲੰਧਰ ਹਾਈਟਸ ਅਪਾਰਟਮੈਂਟਸ ਵਿਖੇ ਪੂਰੇ ਉਤਸ਼ਾਹ ਨਾਲ ਖਤਮ ਹੋਈ, ਜਿਸ ਵਿੱਚ ਸੋਸਾਇਟੀ ਦੇ ਵਸਨੀਕਾਂ ਵਲੋਂ ਭਰਵੀਂ ਸ਼ਮੂਲੀਅਤ ਕੀਤੀ ਗਈ।
ਏਜੀਆਈ ਪ੍ਰੀਮੀਅਰ ਲੀਗ ਦੇ ਚੌਥੇ ਅਤੇ ਅੰਤਿਮ ਦਿਨ ਦੇ ਉਦਘਾਟਨ ਲਈ ਮੁੱਖ ਮਹਿਮਾਨ ਸ੍ਰੀ ਸੂਰਜ ਸ਼ਰਮਾ, ਕਮਿਸ਼ਨਰ ਖੇਤਰੀ ਭਵਿੱਖ ਨਿਧੀ ਸੰਗਠਨ ਅਤੇ ਸਹਾਇਕ ਪੁਲਿਸ ਕਮਿਸ਼ਨਰ ਸ੍ਰੀ ਰਵਿੰਦਰ ਨੇ ਰਿਹਾਇਸ਼ੀ ਕਾਲੋਨੀਆਂ ਵਿੱਚ ਖੇਡਾਂ ਨੂੰ ਹੁਲਾਰਾ ਦੇਣ ਲਈ ਵਾਰੀਅਰਜ਼ ਗਰੁੱਪ ਦੇ ਅਣਥੱਕ ਯਤਨਾਂ ਅਤੇ ਉਨ੍ਹਾਂ ਦੇ ਯੋਗਦਾਨ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਕਿਹਾ ਕਿ ਬੱਚਿਆਂ ਨੂੰ ਛੋਟੀ ਉਮਰ ਵਿੱਚ ਹੀ ਖੇਡਾਂ ਨਾਲ ਜੋੜਨ ਲਈ ਅਜਿਹੇ ਸਮਾਗਮ ਕਰਵਾਉਣੇ ਸਮੇਂ ਦੀ ਲੋੜ ਹੈ ਤਾਂ ਜੋ ਉਹ ਨਸ਼ਿਆਂ ਵਰਗੀਆਂ ਸਮਾਜਿਕ ਬੁਰਾਈਆਂ ਦਾ ਸ਼ਿਕਾਰ ਨਾ ਹੋਣ।
ਆਖਰੀ ਦਿਨ ਦੇ ਸਮਾਗਮ ਦੌਰਾਨ, ਕਰਤਾਰ ਵਾਰੀਅਰਜ਼ ਬਨਾਮ ਪੀਐਨਬੀ ਵਾਰੀਅਰਜ਼ ਵਿਚਕਾਰ ਫਾਈਨਲ ਮੈਚ ਹੋਇਆ ਜਿਸ ਵਿੱਚ ਉਤਰਾਅ-ਚੜ੍ਹਾਅ ਦੀ ਰੋਮਾਂਚਕ ਲੜਾਈ ਦੇਖਣ ਨੂੰ ਮਿਲੀ। ਫਾਈਨਲ ਮੈਚ ਦੌਰਾਨ ਆਪਣੀ ਮਨਪਸੰਦ ਟੀਮ ਦੀ ਹੌਂਸਲਾ ਅਵਜਾਹੀ ਕਰਨ ਲਈ ਇਲਾਕਾ ਨਿਵਾਸੀ ਇਕੱਠੇ ਹੋਏ।
ਇਸ ਦੌਰਾਨ ਏਜੀਆਈ ਗਰੁੱਪ ਦੇ ਮੈਨੇਜਿੰਗ ਡਾਇਰੈਕਟਰ ਸੁਖਦੇਵ ਸਿੰਘ ਮੈਨੇਜਿੰਗ, ਐਨਜੀਓ ਵਾਰਿਅਰਜ਼ ਗਰੁੱਪ ਦੇ ਪ੍ਰਧਾਨ ਵਰੁਣ ਕੋਹਲੀ, ਰਜਿੰਦਰ ਰਾਜਾ ਨੇ ਪਤਵੰਤਿਆਂ ਦਾ ਜਲੰਧਰ ਹਾਈਟਸ ਵਿਖੇ ਪਹੁੰਚਣ ‘ਤੇ ਸਵਾਗਤ ਕੀਤਾ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਵਿਸ਼ਾਲ ਗੁੰਬਰ ਸੰਜੀਵ ਅਰੋੜਾ, ਸੰਜੀਵ ਆਹੂਜਾ, ਅੰਕੁਰ ਚੋਪੜਾ, ਅਨੁਦੀਪ ਬਜਾਜ, ਸ਼ਮੀਲ ਮੈਨਨ, ਡਾ: ਅੰਕੁਰ ਸਹਿਗਲ, ਰਾਕੇਸ਼ ਝਾਂਗੂ, ਨਿਤਿਨ ਪੁਰੀ, ਦਵਿੰਦਰ ਸੈਣੀ, ਮਨਪ੍ਰੀਤ ਸਿੰਘ ਗਾਬਾ, ਵਿਸ਼ਾਲ ਚੱਢਾ, ਬੌਬੀ ਰਤਨ, ਬੌਬੀ ਗੁਲਾਟੀ, ਤਜਿੰਦਰ ਸਿੰਘ, ਵਿਕਾਸ ਸ਼ਰਮਾ, ਸਚਿਨ ਮਦਾਨ, ਰਣਦੀਪ ਵਾਲੀਆ, ਸੰਨੀ ਅਤੇ ਰੌਬਿਨ ਸਿੰਘ ਆਦਿ ਹਾਜ਼ਰ ਸਨ।
About The Author
