NIT ਰਜਿਸਟਰਾਰ ਨੂੰ ਕ੍ਰਿਕਟ ਮੈਚ ਰਾਹੀਂ ਅਨੋਖੀ ਵਿਦਾਈ
ਜਲੰਧਰ, 24 ਅਪ੍ਰੈਲ 2022 : ਕ੍ਰਿਕਟ ਦੇ ਸ਼ੌਕੀਨ ਅਤੇ ਨੈਸ਼ਨਲ ਇੰਸਟੀਚਿਊਟ ਆਫ ਟੈਕਨਾਲੋਜੀ ਦੇ ਰਜਿਸਟਰਾਰ ਸ੍ਰੀ ਐਸ.ਕੇ ਮਿਸ਼ਰਾ ਨੂੰ ਉਨ੍ਹਾਂ ਦੇ ਦੋਸਤਾਂ ਵੱਲੋਂ ਵਾਰੀਅਰਜ਼ ਅਤੇ ਐਨ.ਆਈ.ਟੀ. ਦੀਆਂ ਟੀਮਾਂ ਵਿਚਾਲੇ ਕ੍ਰਿਕਟ ਮੈਚ ਦੇ ਰੂਪ ਵਿੱਚ ਵਿਲੱਖਣ ਵਿਦਾਇਗੀ ਦਿੱਤੀ ਗਈ ।
ਦੋਵਾਂ ਟੀਮਾਂ ਵਿਚਾਲੇ ਹੋਏ ਦੋਸਤਾਨਾ ਮੈਚ ਦੌਰਾਨ ਖਿਡਾਰੀਆਂ ਨੇ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕੀਤਾ। ਦੋਵਾਂ ਟੀਮਾਂ ਦੇ ਖਿਡਾਰੀਆਂ ਨੇ ਇੱਕ ਅਕਾਦਮਿਕ ਅਤੇ ਕ੍ਰਿਕਟ ਪ੍ਰੇਮੀ ਦੇ ਰੂਪ ਵਿੱਚ ਮਿਸ਼ਰਾ ਦੀ ਸ਼ਾਨਦਾਰ ਭੂਮਿਕਾ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਮਿਸ਼ਰਾ ਪੜ੍ਹਾਈ ਅਤੇ ਇੱਥੋਂ ਤੱਕ ਕਿ ਖੇਡਾਂ ਖਾਸ ਤੌਰ ‘ਤੇ ਕ੍ਰਿਕਟ ਲਈ ਉਨ੍ਹਾਂ ਦੇ ਅਥਾਹ ਯੋਗਦਾਨ ਲਈ ਉਨ੍ਹਾਂ ਦੇ ਦਿਲਾਂ ‘ਤੇ ਰਾਜ ਕਰਨਗੇ।
ਇਸ ਦੌਰਾਨ, ਇੱਕ ਭਾਵੁਕ ਹੋਏ ਮਿਸ਼ਰਾ ਨੇ ਇੱਕ ਵਿਲੱਖਣ ਪਰ ਦਿਲ ਦੇ ਨੇੜੇ ਵਿਦਾਈ ਲਈ ਆਪਣੇ ਦੋਸਤਾਂ ਅਤੇ ਸਹਿਯੋਗੀਆਂ ਦਾ ਧੰਨਵਾਦ ਕੀਤਾ। ਮਿਸ਼ਰਾ ਨੇ ਕਿਹਾ ਕਿ ਉਹ ਜਲੰਧਰ ਨਾਲ ਆਪਣੀ ਲੰਬੀ ਸਾਂਝ ਦੌਰਾਨ ਆਪਣੇ ਦੋਸਤਾਂ ਅਤੇ ਸਹਿਯੋਗੀਆਂ ਵੱਲੋਂ ਮਿਲੇ ਪਿਆਰ ਅਤੇ ਸਨੇਹ ਨੂੰ ਕਦੇ ਨਹੀਂ ਭੁੱਲਣਗੇ। ਉਨ੍ਹਾਂ ਕਿਹਾ ਕਿ ਜਲੰਧਰ ਉਨ੍ਹਾਂ ਦੇ ਜੀਵਨ ਦੌਰਾਨ ਹਮੇਸ਼ਾ ਉਨ੍ਹਾਂ ਲਈ ਇਕ ਖਾਸ ਸਥਾਨ ਬਣਿਆ ਰਹੇਗਾ।
ਇਸ ਦੌਰਾਨ ਪ੍ਰਧਾਨ ਵਰੁਣ ਕੋਹਲੀ, ਅਨੁਦੀਪ ਬਜਾਜ, ਸੰਜੀਵ ਅਰੋੜਾ, ਸੰਜੀਵ ਆਹੂਜਾ, ਵਿਕਾਸ ਸ਼ਰਮਾ, ਸਾਮਿਲ ਮੇਨਨ, ਨਿਤਿਨ ਪੁਰੀ, ਵਿਵੇਕ ਰਤਨ, ਅਨਿਲ ਚੱਢਾ, ਹੁਨਰ ਸੇਠ, ਡਿੰਪੀ ਸਿੰਘ, ਡਾ: ਅੰਕੁਰ ਸਹਿਗਲ, ਵਿਸ਼ਾਲ ਗੁੰਬਰ ਅਤੇ ਹੋਰਾਂ ਦੀ ਅਗਵਾਈ ਵਿੱਚ ਵਾਰੀਅਰਜ਼ ਗਰੁੱਪ ਨੇ ਵੀ ਮਿਸ਼ਰਾ ਨੂੰ ਸਨਮਾਨਿਤ ਕੀਤਾ।
About The Author
