ਸ਼ੀਸ਼ ਮਹਲ ਵਿੱਚ ਪੰਜਾਬ ਸਖੀ ਸ਼ਕਤੀ ਕਰਾਫ਼ਟ ਮੇਲੇ ਮੌਕੇ ਵੱਡੀ ਭੀੜ ਨੂੰ ਵੇਖਦਿਆਂ ਤਿੰਨ ਪਾਰਕਿੰਗ ਸਥਾਨ ਨਿਰਧਾਰਤ
-ਵਨ-ਵੇ ਟ੍ਰੈਫ਼ਿਕ, ਨੋ ਪਾਰਕਿੰਗ ਤੇ ਟੋਅ ਕਰਨ ਪ੍ਰਬੰਧ ਵੀ ਲਾਗੂ: ਐਸਪੀ ਟ੍ਰੈਫ਼ਿਕ
(Rajinder Kumar) ਪਟਿਆਲਾ, 22 ਫਰਵਰੀ 2026:
ਸ਼ੀਸ਼ ਮਹਲ ਵਿੱਚ 21 ਫਰਵਰੀ ਤੋਂ 2 ਮਾਰਚ 2026 ਤੱਕ ਲੱਗ ਰਹੇ ਪੰਜਾਬ ਸਖੀ ਸ਼ਕਤੀ ਕਰਾਫ਼ਟ ਮੇਲੇ ਦੌਰਾਨ ਵੱਡੀ ਭੀੜ ਨੂੰ ਧਿਆਨ ਵਿੱਚ ਰੱਖਦਿਆਂ ਟ੍ਰੈਫ਼ਿਕ ਪੁਲਿਸ ਪਟਿਆਲਾ ਵੱਲੋਂ ਤਿੰਨ ਪਾਰਕਿੰਗ ਸਥਾਨ ਨਿਰਧਾਰਤ ਕੀਤੇ ਗਏ ਹਨ। ਇਨ੍ਹਾਂ ਵਿੱਚ ਪਾਰਕਿੰਗ 1: ਡਾਕਲਾ ਚੁੰਗੀ ਟੀ-ਪੁਆਇੰਟ, ਸ਼ੀਸ਼ ਮਹਲ ਦੇ ਪਿੱਛੇ, ਪਾਰਕਿੰਗ 2: ਸੰਜੇ ਕਾਲੋਨੀ ਰੋਡ, ਮਹਿੰਦਰਾ ਕਾਲਜ ਦੇ ਸਾਹਮਣੇ ਅਤੇ ਪਾਰਕਿੰਗ 3: ਸਰਕਾਰੀ ਮਹਿੰਦਰਾ ਕਾਲਜ ਪਾਰਕਿੰਗ ਖੇਤਰ ਸ਼ਾਮਲ ਹਨ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ, ਐਸ ਪੀ ਟ੍ਰੈਫ਼ਿਕ ਐਚ ਐਸ ਮਾਨ ਅਤੇ ਡੀਐਸਪੀ ਪੁਨੀਤ ਸਿੰਘ ਚਾਹਲ ਨੇ ਕਿਹਾ ਕਿ ਐਸਐਸਪੀ ਵਰੁਣ ਸ਼ਰਮਾ ਦੇ ਦਿਸ਼ਾ ਨਿਰਦੇਸ਼ਾਂ ਅਧੀਨ ਟ੍ਰੈਫ਼ਿਕ ਪੁਲਿਸ ਨੇ ਖ਼ਾਸਕਰ ਮੇਲੇ ਵਾਲੇ ਇਲਾਕੇ ਵਿੱਚ ਟ੍ਰੈਫ਼ਿਕ ਦੇ ਸੁਚਾਰੂ ਪ੍ਰਬੰਧ ਲਈ ਸਾਰੇ ਲੋੜੀਂਦੇ ਪ੍ਰਬੰਧ ਕੀਤੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਨਗਰ ਨਿਗਮ ਦੀ ਮਦਦ ਨਾਲ ਵਨ-ਵੇ, ਨੋ ਪਾਰਕਿੰਗ ਤੇ ਗਲਤ ਪਾਰਕਿੰਗ ‘ਤੇ ਗੱਡੀ ਟੋਅ ਕਰਨ ਦੇ ਟ੍ਰੈਫ਼ਿਕ ਦਾ ਪ੍ਰਬੰਧ ਵੀ ਕੀਤਾ ਗਿਆ ਹੈ।
ਐਸ ਪੀ ਮਾਨ ਤੇ ਡੀਐਸਪੀ ਚਾਹਲ ਨੇ ਦੱਸਿਆ ਕਿ ਤਿਆਰ ਤਜਵੀਜ਼ ਅਨੁਸਾਰ, ਐਨਆਈਐਸ ਚੌਂਕ ਤੋਂ ਡਾਕਲਾ ਚੁੰਗੀ ਟੀ-ਪੁਆਇੰਟ ਤੋਂ ਵੱਡੀ ਨਦੀ ਬੰਨ੍ਹਾਂ ਰੋਡ ਤੱਕ ਵਨ-ਵੇ ਟ੍ਰੈਫ਼ਿਕ, ਨੋ ਪਾਰਕਿੰਗ ਤੇ ਗਲਤ ਪਾਰਕਿੰਗ ਕਰਨ ‘ਤੇ ਗੱਡੀ ਟੋਅ ਕਰਨ ਵਾਲਾ ਰੂਟ ਰਹੇਗਾ। ਇਸੇ ਤਰ੍ਹਾਂ ਡਕਾਲਾ ਚੁੰਗੀ ਟੀ-ਪੁਆਇੰਟ ਤੋਂ ਡਕਾਲਾ ਰੋਡ ਚੌਂਕ (ਐਨਆਈਐਸ ਦੇ ਪਿੱਛੇ ਵੱਲ) ਤੱਕ ਵੀ ਇੱਕ ਤਰਫ਼ਾ ਰੂਟ ਦੀ ਵਿਵਸਥਾ ਕੀਤੀ ਗਈ ਹੈ।
ਐਸ ਪੀ ਮਾਨ ਨੇ ਦੱਸਿਆ ਕਿ ਐਨਆਈਐਸ ਚੌਂਕ ਅਪਰ ਮਾਲ ਰੋਡ ਜਾਂ ਲੋਅਰ ਮਾਲ ਰੋਡ ਤੋਂ ਆਉਣ ਵਾਲੇ ਵਾਹਨ ਚਾਲਕ ਇੱਕ-ਤਰਫ਼ਾ ਟ੍ਰੈਫ਼ਿਕ ਰੂਟ ਦਾ ਪਾਲਣ ਕਰਦੇ ਹੋਏ ਸ਼ੀਸ਼ ਮਹਲ ਦੇ ਮੁੱਖ ਦਰਵਾਜ਼ੇ ਤੱਕ ਪਹੁੰਚ ਸਕਣਗੇ। ਉਹ ਫਿਰ ਡਕਾਲਾ ਚੁੰਗੀ ਟੀ-ਪੁਆਇੰਟ ਤੋਂ ਸੱਜੇ ਮੁੜ ਕੇ ਪਾਰਕਿੰਗ 1 (ਸ਼ੀਸ਼ ਮਹਲ ਦੇ ਪਿੱਛੇ ਡਕਾਲਾ ਰੋਡ ’ਤੇ) ਵਿੱਚ ਜਾਂ ਖੱਬੇ ਮੁੜ ਕੇ ਸੰਜੇ ਕਾਲੋਨੀ ਰੋਡ ’ਤੇ ਪਾਰਕਿੰਗ 2 ਵਿੱਚ ਆਪਣੀਆਂ ਗੱਡੀਆਂ ਖੜ੍ਹੀਆਂ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਦਰਸ਼ਕਾਂ ਲਈ ਸਰਕਾਰੀ ਮਹਿੰਦਰਾ ਕਾਲਜ ਦੀ ਪਾਰਕਿੰਗ ਵੀ ਉਪਲਬਧ ਹੋਵੇਗੀ
ਪੁਨੀਤ ਸਿੰਘ ਚਹਿਲ ਨੇ ਦੱਸਿਆ ਕਿ ਆਮ ਆਵਾਜਾਈ ਵਾਲੇ ਲੋਕਾਂ ਨੂੰ ਐਨਆਈਐਸ ਚੌਂਕ ਤੋਂ ਸ਼ੀਸ਼ ਮਹਿਲ ਤੋਂ ਡਕਾਲਾ ਚੁੰਗੀ ਤੋਂ ਵੱਡੀ ਨਦੀ ਬੰਨ੍ਹਾਂ ਰੋਡ ਅਤੇ ਸ਼ੀਸ਼ ਮਹਿਲ ਦੇ ਪਿੱਛੇ ਵਾਲੀ ਅੰਦਰੂਨੀ ਡਕਾਲਾ ਰੋਡ ਤੋਂ ਜਾਣ ਲਈ ਗੁਰੇਜ਼ ਕਰਨ ਦੀ ਅਪੀਲ ਕੀਤੀ ਗਈ ਹੈ।
ਉਨ੍ਹਾਂ ਕਿਹਾ ਕਿ ਘਲੋੜੀ ਗੇਟ ਵੱਲੋਂ ਆਉਣ ਵਾਲੇ ਆਮ ਲੋਕ ਵੱਡੀ ਨਦੀ ਬੰਨ੍ਹਾਂ ਬਾਹਰੀ ਰੋਡ ਰਾਹੀਂ ਹੀ ਡਕਾਲਾ ਰੋਡ ਜਾਂ ਸੂਲਰ ਰੋਡ ਵੱਲ ਜਾ ਸਕਦੇ ਹਨ।
About The Author
