ਪ੍ਰਾਚੀਨ ਸ਼ੇਸ਼ਨਾਗ ਮੰਦਰ ਵਿਖੇ ਜਨਮ ਅਸ਼ਟਮੀ ਮੌਕੇ ਕਰਵਾਇਆ ਸ਼ਾਨਦਾਰ ਸਮਾਗਮ
(Rajinder Kumar) ਹੁਸ਼ਿਆਰਪੁਰ, 17 ਅਗਸਤ 2025: ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਦੇ ਪਾਵਨ ਮੌਕੇ ‘ਤੇ ਜਲੰਧਰ ਰੋਡ, ਹੁਸ਼ਿਆਰਪੁਰ ਵਿਖੇ ਸਥਿਤ ਪ੍ਰਾਚੀਨ ਸ਼ੇਸ਼ਨਾਗ ਮੰਦਰ ਵਿਚ ਇਕ ਸ਼ਾਨਦਾਰ ਧਾਰਮਿਕ ਸਮਾਰੋਹ ਆਯੋਜਿਤ ਕੀਤਾ ਗਿਆ। ਇਹ ਪ੍ਰੋਗਰਾਮ ਪੰਡਿਤ ਸੋਧੀ ਜੀ ਦੀ ਹਾਜ਼ਰੀ ਵਿਚ ਹੋਇਆ। ਅੱਧੀ ਰਾਤ ਨੂੰ ਭਗਤਾਂ ਨੇ ਸ਼੍ਰੀ ਕ੍ਰਿਸ਼ਨ ਜਨਮ ਉਤਸਵ ਦੀ ਵਿਸ਼ੇਸ਼ ਆਰਤੀ ਕਰਕੇ ਸਾਰੇ ਮੰਦਰ ਦੇ ਵਿਹੜੇ ਨੂੰ ਭਗਤੀ ਤੇ ਖੁਸ਼ੀ ਨਾਲ ਭਰ ਦਿੱਤਾ।
ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਐਡਵੋਕੇਟ ਵਿਕਰਾਂਤ ਰਾਣਾ, ਨੈਸ਼ਨਲ ਸਕੱਤਰ – ਇੰਟਰਨੈਸ਼ਨਲ ਹਿਊਮਨ ਰਾਈਟਸ ਹਾਜ਼ਰ ਰਹੇ। ਉਨ੍ਹਾਂ ਨੇ ਕਿਹਾ ਕਿ ਭਗਵਾਨ ਸ਼੍ਰੀ ਕ੍ਰਿਸ਼ਨ ਦਾ ਜਨਮ ਉਤਸਵ ਸਾਡੇ ਦੇਸ਼ ਦੀ ਸੰਸਕ੍ਰਿਤੀ, ਆਸਥਾ ਅਤੇ ਨੈਤਿਕ ਮੁੱਲਾਂ ਦਾ ਪ੍ਰਤੀਕ ਹੈ। ਇਸ ਮੌਕੇ ਗੋਲਡੀ ਅਗਨਿਹੋਤਰੀ, ਅਮਨ ਸੂਦ, ਅਜੇ ਠਾਕਰ ਅੰਮ੍ਰਿਤ ਪਾਲ ਮਨਪ੍ਰੀਤ ਅਤੇ ਵਰਿੰਦਰ ਸੰਧੂ ਸਮੇਤ ਵੱਡੀ ਗਿਣਤੀ ਵਿਚ ਭਗਤਾਂ ਤੇ ਸਥਾਨਕ ਪਤਵੰਤਿਆਂ ਨੇ ਹਾਜ਼ਰੀ ਭਰੀ।
ਪ੍ਰੋਗਰਾਮ ਉਪਰੰਤ ਭਗਤਾਂ ਲਈ ਲੰਗਰ ਪ੍ਰਸਾਦ ਵਜੋਂ ਆਈਸਕ੍ਰੀਮ ਅਤੇ ਫਲ ਵੰਡੇ ਗਏ। ਪ੍ਰਾਚੀਨ ਸ਼ੇਸ਼ਨਾਗ ਮੰਦਰ ਇਲਾਕੇ ਦਾ ਇਕ ਪ੍ਰਮੁੱਖ ਆਸਥਾ ਕੇਂਦਰ ਹੈ, ਜਿਥੇ ਸਮੇਂ-ਸਮੇਂ ਧਾਰਮਿਕ ਅਤੇ ਸੱਭਿਆਚਾਰਕ ਸਮਾਗਮਾਂ ਰਾਹੀਂ ਸਮਾਜ ਵਿਚ ਭਗਤੀ, ਭਾਈਚਾਰੇ ਅਤੇ ਏਕਤਾ ਦਾ ਸੰਦੇਸ਼ ਦਿੱਤਾ ਜਾਂਦਾ ਹੈ।
About The Author
