25 ਪੀ.ਬੀ. ਬਟਾਲੀਅਨ ਐਨ.ਸੀ.ਸੀ. ਅਬੋਹਰ ਵੱਲੋਂ ‘A’, ‘B’ ਅਤੇ ‘C’ ਸਰਟੀਫਿਕੇਟਾਂ ਵੰਡਣ ਲਈ ਇਨਵੇਸਟਿਚਰ ਸਮਾਰੋਹ ਦਾ ਆਯੋਜਨ
(Rajinder Kumar) ਅਬੋਹਰ, 10 ਜੁਲਾਈ 2025: 25 ਪੀ.ਬੀ. ਬਟਾਲਿਅਨ ਐਨ.ਸੀ.ਸੀ. ਅਬੋਹਰ ਵੱਲੋਂ ਇੱਕ ਸ਼ਾਨਦਾਰ ਇਨਵੇਸਟਿਚਰ ਸਮਾਰੋਹ ਕਰਵਾਇਆ ਗਿਆ, ਜਿਸ ਵਿੱਚ 2024-25 ਸੈਸ਼ਨ ਦੌਰਾਨ ‘A’, ‘B’ ਅਤੇ ‘C’ ਸਰਟੀਫਿਕੇਟ ਪ੍ਰੀਖਿਆ ਪਾਸ ਕਰਨ ਵਾਲੇ ਕੈਡਟਸ ਨੂੰ ਸਰਟੀਫਿਕੇਟ ਦਿੱਤੇ ਗਏ। ਇਹ ਸਮਾਰੋਹ ਕਰਨੀਲ ਰਾਜੀਵ ਸਿਰੋਹੀ (ਕਮਾਂਡਿੰਗ ਅਫਸਰ, 25 ਪੀ.ਬੀ. ਬਟਾਲਿਅਨ ਐਨ.ਸੀ.ਸੀ.) ਅਤੇ ਐਡਮਿਨ ਅਫਸਰ ਲੈਫਟਿਨੈਂਟ ਕਰਣਲ ਗੌਰਵ ਨਿਓਲ ਦੀ ਅਗਵਾਈ ਹੇਠ ਕਰਵਾਇਆ ਗਿਆ।
ਇਸ ਸਮਾਰੋਹ ਵਿੱਚ ਅਬੋਹਰ ਅਤੇ ਫਾਜ਼ਿਲਕਾ ਖੇਤਰ ਦੇ ਵੱਖ-ਵੱਖ ਸਕੂਲਾਂ ਅਤੇ ਕਾਲਜਾਂ ਦੇ 500 ਤੋਂ ਵੱਧ ਕੈਡਟਸ ਅਤੇ 26 ਐ.ਐਨ.ਓ./ਸੀ.ਟੀ.ਓ. ਨੇ ਭਾਗ ਲਿਆ।
ਕਰਨਲ ਰਾਜੀਵ ਸਿਰੋਹੀ ਨੇ ਆਪਣੇ ਭਾਸ਼ਣ ਵਿੱਚ ਸਾਰੇ ਕੈਡਟਸ ਨੂੰ ਉਨ੍ਹਾਂ ਦੀ ਮਹਿਨਤ, ਸਮਰਪਣ, ਡਿਸਿਪਲਿਨ ਅਤੇ ਐਨ.ਸੀ.ਸੀ. ਦੇ ਤਹਿਤ ਤਿਆਰੀ ਪੂਰੀ ਕਰਨ ਲਈ ਵਧਾਈ ਦਿੱਤੀ। ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਐਨ.ਸੀ.ਸੀ. ਸਰਟੀਫਿਕੇਟ ਸਿਰਫ ਫੌਜੀ ਭਰਤੀਆਂ ਲਈ ਹੀ ਨਹੀਂ, ਬਲਕਿ ਪੈਰਾ ਮਿਲਟਰੀ ਫੋਰਸਜ਼, ਕਾਰਪੋਰੇਟ ਸੈਕਟਰ ਅਤੇ ਹੋਰ ਸਰਕਾਰੀ ਨੌਕਰੀਆਂ ਵਿੱਚ ਵੀ ਲਾਭਕਾਰੀ ਸਾਬਤ ਹੁੰਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਹ ਪ੍ਰੀਖਿਆਵਾਂ ਵਿਅਕਤੀਗਤ ਵਿਕਾਸ, ਰਾਸ਼ਟਰੀ ਗਰਵ ਅਤੇ ਲੀਡਰਸ਼ਿਪ ਦੀ ਭਾਵਨਾ ਜਗਾਉਂਦੀਆਂ ਹਨ।
ਉਨ੍ਹਾਂ ਨੇ ਪੀ.ਆਈ., ਐਨ.ਏਨ.ਓ. ਅਤੇ ਸੀ.ਟੀ.ਓ. ਸਟਾਫ ਦੀ ਵੀ ਸਰਾਹਨਾ ਕੀਤੀ, ਜਿਨ੍ਹਾਂ ਨੇ ਕੈਡਟਸ ਨੂੰ ਸਹੀ ਦਿਸ਼ਾ ਦਿੱਤੀ ਅਤੇ ਵੱਖ-ਵੱਖ ਟ੍ਰੇਨਿੰਗਾਂ ਕਰਵਾਈਆਂ। ਪਾਸ ਹੋਏ ਕੈਡਟਸ ਨੂੰ ਉਨ੍ਹਾਂ ਦੇ ਸਰਟੀਫਿਕੇਟ ਦਿੱਤੇ ਗਏ। ਇਹ ਸਮਾਰੋਹ ਉਨ੍ਹਾਂ ਦੀ ਸਾਲ ਭਰ ਦੀ ਮਹਿਨਤ ਅਤੇ ਉਤਕ੍ਰਿਸ਼ਟਤਾ ਨੂੰ ਸਨਮਾਨਿਤ ਕਰਨ ਲਈ ਆਯੋਜਿਤ ਕੀਤਾ ਗਿਆ ਸੀ।
ਸਮਾਰੋਹ ਦੇ ਅੰਤ ਵਿੱਚ ਕੈਡਟਸ ਅਤੇ ਸਟਾਫ ਲਈ ਰਿਫ੍ਰੈਸ਼ਮੈਂਟ ਦਾ ਪ੍ਰਬੰਧ ਕੀਤਾ ਗਿਆ, ਅਤੇ ਇੱਕ ਸਮੂਹਕ ਫੋਟੋ ਲੀਤੀ ਗਈ, ਜਿਸ ਨਾਲ ਕੈਡਟਸ ਵਿੱਚ ਦੇਸ਼ ਦੀ ਸੇਵਾ ਲਈ ਨਵੀਂ ਉਰਜਾ ਅਤੇ ਸਮਰਪਣ ਦੀ ਭਾਵਨਾ ਜਗੀ। ਅਖੀਰ ਵਿੱਚ ਕਰਨਲ ਰਾਜੀਵ ਸਿਰੋਹੀ ਨੇ ਸਿੰਨੀਅਰ ਜੇ.ਸੀ.ਓ. ਸੁਬੇਦਾਰ ਸੁਨਦੀਪ ਸਿੰਘ, ਮਨਦੀਪ ਸਿੰਘ ਰਾਜੀਵ ਗੋਦਾਰਾ, ਲੈਫਟ. ਅਮਨਦੀਪ ਅਤੇ ਹੋਰ ਸਟਾਫ ਮੈਂਬਰਾਂ ਦਾ ਧੰਨਵਾਦ ਕੀਤਾ, ਜਿਨ੍ਹਾਂ ਨੇ ਇਸ ਸਮਾਰੋਹ ਨੂੰ ਸਫਲ ਬਣਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ।
About The Author
