ਉੜੀਸਾ ‘ਚ ਹੰਗਾਮਾ, ਵਿਧਾਇਕ ਸੰਤੋਸ਼ ਸਿੰਘ ਸਲੂਜਾ ਨੂੰ ਜਾਨੋਂ ਮਾਰਨ ਦੀ ਧਮਕੀ ਖਿਲਾਫ ਕਾਂਗਰਸੀ ਵਰਕਰ ਸੜਕਾਂ ‘ਤੇ ਉਤਰੇ; 12 ਘੰਟੇ ਦੇ ਕਾਂਤਾਬੰਜੀ ਬੰਦ ਦਾ ਐਲਾਨ
ਭੁਵਨੇਸ਼ਵਰ , 20 ਫਰਵਰੀ । ਕਾਂਤਾਬੰਜੀ ਦੇ ਵਿਧਾਇਕ ਸੰਤੋਸ਼ ਸਿੰਘ ਸਲੂਜਾ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦੇ ਵਿਰੋਧ ‘ਚ ਮੰਗਲਵਾਰ ਨੂੰ ਕਾਂਤਾਬੰਜੀ ‘ਚ 12 ਘੰਟੇ ਦਾ ਬੰਦ ਰੱਖਿਆ ਜਾ ਰਿਹਾ ਹੈ। ਕਾਂਗਰਸ ਵੱਲੋਂ ਸਵੇਰੇ 6 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਸ਼ਹਿਰ ਬੰਦ ਰੱਖਿਆ ਗਿਆ ਹੈ।
ਕਾਂਗਰਸੀ ਵਰਕਰਾਂ ਨੇ ਸ਼ਹਿਰ ਵਿੱਚ ਕੱਢੀ ਬਾਈਕ ਰੈਲੀ
ਹੜਤਾਲ ਕਾਰਨ ਸਵੇਰ ਤੋਂ ਹੀ ਦੁਕਾਨਾਂ ਅਤੇ ਬਾਜ਼ਾਰ ਬੰਦ ਹਨ। ਹਾਲਾਂਕਿ ਸਕੂਲਾਂ-ਕਾਲਜਾਂ ਦੇ ਨਾਲ-ਨਾਲ ਸਰਕਾਰੀ ਅਦਾਰੇ ਵੀ ਬੰਦ ਵਿੱਚ ਸ਼ਾਮਲ ਨਹੀਂ ਹੋਏ, ਜਿਸ ਕਾਰਨ ਸਰਕਾਰੀ ਅਦਾਰੇ ਅਤੇ ਸਕੂਲ-ਕਾਲਜ ਖੁੱਲ੍ਹੇ ਰਹੇ। ਅੱਜ ਸਵੇਰ ਤੋਂ ਹੀ ਕਾਂਗਰਸੀ ਵਰਕਰ ਵੱਖ-ਵੱਖ ਥਾਵਾਂ ‘ਤੇ ਰੋਸ ਪ੍ਰਦਰਸ਼ਨ ਕਰਦੇ ਨਜ਼ਰ ਆਏ।
ਵਿਧਾਇਕ ਦੇ ਭਰਾ ਤੇ ਮੇਅਰ ਬਰਿਆਮ ਸਿੰਘ ਸਲੂਜਾ ਦੀ ਅਗਵਾਈ ਹੇਠ ਕਾਂਗਰਸੀ ਵਰਕਰਾਂ ਨੇ ਬਾਈਕ ਰੈਲੀ ਕੱਢ ਕੇ ਧਰਨਾ ਦਿੱਤਾ ਤੇ ਦੁਕਾਨਾਂ ਤੇ ਬਾਜ਼ਾਰ ਬੰਦ ਕਰਵਾ ਦਿੱਤੇ। ਇਸ ਬੰਦ ਵਿੱਚ ਸੈਂਕੜੇ ਕਾਂਗਰਸੀ ਵਰਕਰਾਂ ਅਤੇ ਵਿਧਾਇਕ ਦੇ ਸਮਰਥਕਾਂ ਨੇ ਸ਼ਮੂਲੀਅਤ ਕੀਤੀ ਜਿਸ ਕਾਰਨ ਕਾਂਤਾਬੰਜੀ ਵਿੱਚ ਜਨਜੀਵਨ ਪ੍ਰਭਾਵਿਤ ਹੋਇਆ।
ਸਲੂਜਾ ਨੂੰ 15 ਦਿਨਾਂ ਦੇ ਅੰਦਰ ਜਾਨੋਂ ਮਾਰਨ ਦੀ ਧਮਕੀ
ਜ਼ਿਕਰਯੋਗ ਹੈ ਕਿ ਕਾਂਤਾਬੰਜੀ ਤੋਂ ਵਿਧਾਇਕ ਸੰਤੋਸ਼ ਸਿੰਘ ਸਲੂਜਾ ਨੂੰ ਸੋਮਵਾਰ ਨੂੰ ਜਾਨੋਂ ਮਾਰਨ ਦੀ ਧਮਕੀ ਮਿਲੀ ਸੀ। ਸ਼ਹਿਰ ਵਿੱਚ ਦੋ ਥਾਵਾਂ ’ਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਵਾਲੇ ਬੈਨਰ ਲਾਏ ਗਏ। ਇਸ ਵਿਚ 15 ਦਿਨਾਂ ਦੇ ਅੰਦਰ ਸਲੂਜਾ ਦੇ ਕਤਲ ਦਾ ਜ਼ਿਕਰ ਕੀਤਾ ਗਿਆ ਹੈ।
ਕਾਂਤਾਬੰਜੀ ਗਰਲਜ਼ ਹਾਈ ਸਕੂਲ ਦੇ ਬਾਹਰ ਇੱਕ ਦੁਕਾਨ ‘ਤੇ ਬੈਨਰ ਲਗਾਇਆ ਗਿਆ।ਚਿੱਟੇ ਰੰਗ ਦੇ ਬੈਨਰ ‘ਤੇ ਲਾਲ ਰੰਗ ਵਿੱਚ ਲਿਖਿਆ ਗਿਆ ਹੈ ਕਿ ਉਹ ਕਾਂਤਾਬੰਜੀ ਦੇ ਵਿਧਾਇਕ ਸੰਤੋਸ਼ ਸਿੰਘ ਸਲੂਜਾ ਨੂੰ 15 ਦਿਨਾਂ ਦੇ ਅੰਦਰ ਅੰਦਰ ਮਾਰ ਦੇਣਗੇ।
ਬੈਨਰ ‘ਤੇ ਅਣਪਛਾਤੇ ਨੌਜਵਾਨ ਦੀ ਫੋਟੋ ਵੀ ਲੱਗੀ ਹੈ।ਪੋਸਟਰ ਦੇਖ ਕੇ ਲੋਕ ਡਰ ਗਏ ਹਨ, ਕਾਂਤਾਬੰਜੀ ਪੁਲਿਸ ਨੇ ਬੈਨਰ ਜ਼ਬਤ ਕਰ ਲਿਆ ਹੈ।
About The Author
