432 ਦਿਨਾਂ ਬਾਅਦ ਟੋਲ ਵਸੂਲੀ ਮੁੜ ਹੋਈ ਸ਼ੁਰੂ, ਹੁਣ ਪਹਿਲਾਂ ਨਾਲੋਂ ਜ਼ਿਆਦਾ ਲਗੇਗਾ ਟੋਲ ਟੈਕਸ
ਚੰਡੀਗੜ੍ਹ, 15 ਦਸੰਬਰ 2021 : ਪੰਜਾਬ ਭਰ ਦੇ ਕਿਸਾਨਾਂ ਵੱਲੋਂ ਕੱਲ੍ਹ ਸ਼ਾਮ 5 ਵਜੇ 23 ਟੋਲ ਪਲਾਜ਼ਿਆਂ ‘ਤੇ ਆਪਣਾ 432 ਦਿਨਾ ਮੋਰਚਾ ਚੁੱਕਣ ਤੋਂ ਬਾਅਦ , ਨੈਸ਼ਨਲ ਹਾਈਵੇ ਅਉਠੋਰਿਟੀ ਓਫ ਇੰਡੀਆ (NHAI) ਦੇ ਅਧਿਕਾਰੀ ਬੁੱਧਵਾਰ ਸ਼ਾਮ ਤੱਕ ਯਾਤਰੀਆਂ ਤੋਂ ਚਾਰਜ ਵਸੂਲੀ ਮੁੜ ਸ਼ੁਰੂ ਕਰਨ ਲਈ ਤਿਆਰ ਹਨ। ਜਿਕਰਯੋਗ ਹੈ ਕਿ ਰੋਪੜ/ਨਵਾਂਸ਼ਹਿਰ/ਚੰਡੀਗੜ੍ਹ ਜਾਂ ਲੁਧਿਆਣਾ ਜਾਣ ਵਾਲੇ ਜਲੰਧਰ ਨਿਵਾਸੀਆਂ ਨੂੰ ਹੁਣ ਟੋਲ ਪਲਾਜ਼ਿਆਂ ‘ਤੇ ਪਹਿਲਾਂ ਨਾਲੋਂ ਥੋੜਾ ਜ਼ਿਆਦਾ ਭੁਗਤਾਨ ਕਰਨਾ ਪਵੇਗਾ।
ਫਗਵਾੜਾ-ਨਵਾਂਸ਼ਹਿਰ ਸੈਕਸ਼ਨ ‘ਤੇ ਬਹਿਰਾਮ ਦੇ ਟੋਲ ਪਲਾਜ਼ਿਆਂ ‘ਤੇ ਅਤੇ ਨਵਾਂਸ਼ਹਿਰ-ਰੋਪੜ ਰੋਡ ‘ਤੇ ਕਾਠਗੜ੍ਹ ਤੇ ਜਲੰਧਰ-ਲੁਧਿਆਣਾ ਵਿਚਕਾਰ ਲਾਡੋਵਾਲ ਟੋਲ ਪਲਾਜ਼ਾ ‘ਤੇ ਇਕ ਪਾਸੇ 5 ਰੁਪਏ ਤੇ ਦੋਵੇਂ ਪਾਸੇ 10 ਰੁਪਏ ਦੇ ਵਾਧੇ ਨੂੰ ਦਰਸਾਉਂਦੇ ਬੋਰਡ ਲਾਏ ਗਏ ਹਨ।ਬਹਿਰਾਮ ਵਿਖੇ ਇਕ ਕਾਰ, ਵੈਨ ਜਾਂ ਜੀਪ ਡਰਾਈਵਰ ਜੋ ਪਹਿਲਾਂ ਸਿੰਗਲ ਸਾਈਡ ਟ੍ਰਿਪ ਲਈ 50 ਰੁਪਏ ਅਦਾ ਕਰਦਾ ਸੀ, ਉਥੇ ਲੇਵੀ ਨੂੰ ਵਧਾ ਕੇ 55 ਰੁਪਏ ਕਰ ਦਿੱਤਾ ਗਿਆ ਹੈ।
ਦੋਹਰੀ ਵਰਤੋਂ ਲਈ, ਹੁਣ ਚਾਰਜ 75 ਰੁਪਏ ਤੋਂ ਵੱਧ ਕੇ 85 ਰੁਪਏ ਹੋ ਗਿਆ ਹੈ। ਇਸੇ ਤਰ੍ਹਾਂ, ਕਾਠਗੜ੍ਹ ਟੋਲ ਚਾਰਜਿਜ਼ ਜੋ ਪਹਿਲਾਂ ਇਕ ਯਾਤਰਾ ਲਈ 55 ਰੁਪਏ ਸੀ, ਹੁਣ ਵੱਧ ਕੇ 60 ਰੁਪਏ ਹੋ ਗਏ ਹਨ। ਇਸ ਸੈਕਸ਼ਨ ‘ਤੇ ਦੋ ਤਰਫਾ ਚਾਰਜ ਜੋ 80 ਰੁਪਏ ਸੀ ਹੁਣ 90 ਰੁਪਏ ਹੋ ਜਾਵੇਗਾ।ਲਾਡੋਵਾਲ ਵਿਖੇ, ਇਕ ਕਾਰ, ਜੀਪ ਜਾਂ ਇਕ ਵੈਨ ਡਰਾਈਵਰ, ਜੋ ਇਕ ਪਾਸੇ ਲਈ 130 ਰੁਪਏ ਤੇ ਦੋ-ਪਾਸੜ ਲਈ 190 ਰੁਪਏ ਅਦਾ ਕਰਦੇ ਸਨ, ਹੁਣ ਇਕ ਪਾਸੇ ਦੇ ਖਰਚੇ ਵਜੋਂ 135 ਰੁਪਏ ਅਤੇ ਦੋਵੇਂ ਪਾਸੇ ਲਈ 200 ਰੁਪਏ ਅਦਾ ਕਰਨਗੇ। ਇਸੇ ਤਰ੍ਹਾਂ ਮਹੀਨਾਵਾਰ ਪਾਸ 3,905 ਤੋਂ ਵਧਾ ਕੇ 3,985 ਰੁਪਏ ਕਰ ਦਿੱਤਾ ਗਿਆ ਹੈ।
About The Author
